الثلاثاء، 24 أغسطس 2010

حرقة قلب


ف قلب بتنا سمعت صوت نواح..صراخ.. وشفت لمه
توهت ف زحمة ناس كتيره بيطبطبوا على كتفى ويحضنونى... ولما سألت كانت اجابه واحده
أخوكى مات.....
ايه؟؟؟؟ مااااااااات؟؟؟؟؟؟؟؟
ايوه حبيبك .. صاحبك .. اللى كان ملازمك مات ..ومات غريق .. مات شهيد
نور عينك خلاص انطفى .. قلبك خلاص اتحرق .. ياللا اصرخى وابكى من جواكى واحزنى
هو دا الحزن الحقيقى اللى عمرك ماجربتيه.
خده البحر منك .. خد شبابه ..خد جماله ..خد رجولته .وجدعنته.. خد خفة دمه وشجاعته..
خد حنية قلبه ..خد روحك اللى كنتى عايشه بيها ..
خد شمعتك الوحيده اللى كنتى ف عز الضلمه تنوريها..
مين ده اللى شايلينه سته من نفس سنه؟
دا اللى كان معايا من يومين؟؟؟ دا اللى كان بيحكيلى ويكلمنى وضحك معايا ضحكتين؟؟
دا الى كان ف حضنى وضمنى وقاللى افتكرينى .. وكان بيسخر منى لما اقوله لوعى تقول كده ..دا انت ف قلبى
روحى وضى العين
مين اللى نايم ف سريره بجسده .. ووجه المنور وعينه نجمتين؟؟
دا اللى نايم بجسمه ؟ بس طب و روحه ياناس راحت فين ؟
مين دا اللى غسلوه وكفنوه وراحوا يصلوا عليه؟؟
مين دا اللى كانت جنازته الله اكبر زى يوم الدين؟؟
دا اللى كل الدنيا مشيت وراه وحزنت عليه؟
انا ف زهول !!!!!!
انت اخويا جليسى وونيسى وصديقى وحبيبى وكل اللى عندى ؟
رااااح؟؟؟!!؟
طيب قولولى راح فين ؟... عشان ادور عليه
دنا ياما سهرت استناه ولما يرجع ساعتها بس تغمض لى عين
لالالالالالالا .. انتوا ناس كدابين.. ايوه فعلا... بتدعوا بالرحمه لمين؟
لا ابدا مش مصدقاكوا .. اوعوا تقولوا انه واقع حقيقى واكيد لأدا كابوس
اوعوا تقولوا انه مات .. حتى لو كان مات شهيد
يعنى ايه؟؟
محدش تانى هينده عليه؟؟!
مين اللى هيكلمنى .. ويضحكنى .. ويحكيلى عن مغامراته.. وحب البنات فيه
مين اللى هيستعطفنى عشان اصالحه لما اجافيه؟؟
وعمرى ما اخاصمه لانه عارف ان روحى دايبه فيه
دنا عمرى ما اتحملت النسمه عليه
مين اللى هيقولى انى ماليش حد غيره وانى بعده انا مسواش وانى ماليش سند بعديه
كنت اتمنى عمرى ينتهى قبل ما اعيش اللحظه دى
مبقتش تفرق عندى حاجه .. خلاص ضاعت كل حاجه
راح نور عين امى .. انكسر عكاز ابويا .. وانا انتهيت .. الف رحمه عليك يا خويا
خلصت حكاياتك م الدنيا .. والغريبه انى حاسه بغربه ف وسط ناسى واهلى
حاسه انك جاى وانا مستنياك .. وهفضل ابكى عليك عمرى كله .. وانا عارفه ان دموعى مش مرجعاك ف دار النعيم ..و جنات الخلد.. يا عريس الجنه.

الاثنين، 23 أغسطس 2010

حرقة قلب


أسألكم الدعاء والفاتحه لأخى الوحيد الذى ترك الدنيا ورحل عنها فى هذه الأيام الكريمه شهر رمضان


اسكنه الله فسيح جناته

الجمعة، 9 يوليو 2010

حريتك....


حريتك... راسك تكون مرفوعه
حريتك... كلمتك تبقى مسموعه
حريتك..مش انطلاقك وتحكمك
حريتك.. مش شيء هزيل يحكمك
حريتك .. مش بعد وسفر وترحال
حريتك ف بلدك مهما تكون الأحوال
عقلك مايخفش .. حريه
قلبك فيه اراده.. حريه
احمى دينك وارضك واهلك
واحمى كرامتك ونفسك ل تهلك ..
عيش تحت سماك حر
وعشان مشكله اوعى تفر..
حريتك شجاعتك مش كسوفك..
عيش حر واخرج من خوفك..
حريتك السعادة الأبديه..
بالفعل وبالكلام ..حريه.

الأحد، 4 يوليو 2010

وحشتوووووووونى

وحشتونى جداااااااااااا

واشتاقت ليكم جداااااا رجعالكم تانى ان شاء الله

ووحشتنى كلماتكم الرائعه واللى بحبها

الجمعة، 4 يونيو 2010

عدت سنه....

زى النهارده.... من سنه
كنت معاك بحلم انا..
واهى عدت سنه وانا لسه انا
كنت بكل كيانى معاك..
كنت عايشه ..كنت ساكنه ف حضن هواك
اه كانت ساعات ..
عايشتنى اجمل لحظات
صحيت جوايا ذكريات..
كانت من كام سنه..
واهى عدت سنه
وانا لسه انا ..
وانت بعدت ..وانا اتعذبت
ولسه مكانى ..
بلعن صمتى وضعفى ..بلعن يأسى
وظلم زمانى
فاكر مكاننا ووقت لؤانا؟؟
اد ايه حبينا ..اد كان لاشتياق جوانا
كنت اخر مره تضمنى ..
قولت انك بعد السنين لسه بتحبنى
واهى عدت سنه ..
وانا لسه انا..
كنت حاسه بالنهايه
كنت جنبى ..وحسيتك مش معايا
شفت ف عنيك وداع..
حسيت ف قلبى ضياع
وحده ..ضلمه وخوف جوايا
توهت جوه ملامحك
معرفتش ايه الحكايه..
فاكر ليلتها ؟؟؟
فاكر قولت ايه ساعتها؟؟
قولت انسينى ..وابعدى قلبك عن حياتى
وبكل قسوة بترمى كل عمرى..
وذكرياتى..
مافيش حاجه يتخلد..
هوا ده كان كلامك..
اعتبرينى قلب ميت
ازاى نطقها لسانك؟؟
بكل كلمه كنت بتجرحنى
حسيت طعنات ف قلبى ..
راجع تتناسى حبى..
ومات كل شيئ يفرحنى
هديت جوايا امل حاولت ابنيه
قتلت كل شئ انا عايشه بيه..
دوست على ايامى الجايه..
وبكل بساطه بتنسحب من ايامى ..
ومن لياليا..
لكن عمرى ف يوم ما هندم
حتى لو بطلت احلم ..
اعتبرتك ذكرى ف عمرى
رغم حزنى ..ورغم جرحى ..
هتعيش على طول ف قلبى.




السبت، 29 مايو 2010

تاج ..... على راسى


السلام عليكم ورحمة الله وبركاته..
جالى التاج ده من حبيبة قلبى مها(مهموهه) ومن الرقيقه داليا(القمر الباكى)
وانا بشكرهم جداااا.
وكان المفروض انى ارد من فتره , بس بصراحه مكنتش مستوعبه الفكره كويس
لان من شروط التاج اولا: انك لازم تتكلم عن ستة اسرار لا يكتشفها من يقابلك لاول مره
"مش عارفه كده هيبقوا اسرار ازاى؟" ما علينا
والشرط الثانى :انك تهدى التاج لستة اشخاص معينين
هنبتدى بالناس اللى ههديليهم التاج وهم:
مها(مهموهه)
سهر (ساسوو كافيه)
ابو على (سمع هص)
وليد (هى وظروفها)
داليا (القمر الباكى)
نتكلم بقى عن الست اسرار اللى ميكتشفهاش اللى يقابلك للمره الاولى :-
1_ مش ممكن يتخيل انى عصبيه وبتنرفز بس مش بسرعه.
2_ ممكن يفتكر انى كتاب مفتوح لاى حد لكن الحقيقه ان مش كل حاجه لازم اقر بيها من اول مره لاى حد والسلام.
3_ممكن يفكر انى مجنونه او مستهتره على اساس يعنى انى بحب اهزر واضحك..لكن انا برضه جاده وبحب الهدوء وكتير احب اكون لوحدى ومحبش الأزعاج والصوت العالى.
4_لما حد يضايقنى معرفش ارد عليه ف وقتها ممكن ارد عليه بعد شويه ورد يحبطه .
5_ميعرفش انى لما اكون ف قمة الضحك والتهريج والسخريه من نفسى ....ابقى كده ف قمة حزنى ويأسى.
6_ممكن يفتكر انى متكبره شويه ...لكن بالعكس انا عاديه جداا وبحترم كل اللى يحترمنى ويقدرنى ومباحبش ابص على حد من فوق لانى مش شايفه نفسى حاجه مهمه او كبيره عادى يعنى.

الاثنين، 24 مايو 2010

الى من لا يهمه الأمر...



لم اعرفك ..لا اراك ..ولن تحتوينى..

لم اسمعك..لا اناسبك..ولن ترضينى..

فانا معك..ولا اكون معك..

ولاتشعربى وانا بجانبك

فقلبى لا يعنيك..

وساخر انت بكل مافى..

مشاعرى لا تهمك..

ولا تشعر بما اعانيه..

اريد ان اخبرك بشىء.....

انى امراه.. نعم انا انثى


وانت ترانى كما يرى الذئب فريسته..

ولا اراك سوى رجلا يرضى شهوته

فجعلتنى صامته..بائسه..متمرده

لا تتأثربى ولا انا بك متاثره..

فتأثيرك هذا سلبيا...

ووجودى معك غير ضروريا

فانت تريدنى ولا تريدنى..

ولا اعلم لما انت اخذتنى..

فكاااااااااااذبا....

ان تفوهت..عشقتنى

وانا آسفه..لانى لن اعتذر

فدائما انت لافكارى تحتقر..

والآن.. انت سعيدا لأن كل ما بى ..يحتضر

ايها المستبد...ساتركك

لاتخف من ان تكون وحيدا..

ربما تحب ان تكون وحيدا

ورحيلى لن يحدث شيئا جديدا..

فانت لا تصدقنى..لا تعترف بى ..ولن تعشقنى

دائما تتحدانى..لا تشعر بى ..ولن تفهمنى

لا اعرف من اى بشر انت؟؟

لا اعرف من اى ارض اتيت؟؟

كل ما اعرفه ..هو هدفك..

انك تريد ان تبنى حلما

حلما تراه انت بعينك..

حلما بدايته جهدك..

ونهايته هو اسمك..

وتريد ان تكون ملكا متوجا

على العرش ابداا..

تكافح وستحقق حتما حلمك

ولكن صدقنى ..ستكون وحدك

والآن استيقظ لحظات كى افاجئك...

فالنهر الذى ترتوى منه قد جف..

والحبل الذى وضعته على قلبى.

حول عنقك الآن يلتف..

عفوا ..اشعر ان كلماتى تمس كرامتك..

وما اعتدت احدا ان يخدش كبرياء جلالتك

اسمح لى سيدى الملك ان اخبرك..

من اجلك...لن اضيع ابداا

ولن ارتكب ف الحياة زنبا

لن اكون كارهة لنفسى يوما..

ولن امنحك ابدا...فرصه

فمن الآن ومنذ هذه اللحظه..

اريد ان اصرخ فى وجهك ....

اناااااااااا حره

ان قلبى حرا لأنه يشعر..

ان عقلى حرا لانه يفكر..

فبداخلى شئ ما يطير ويعلو

ولن تمنعه انت من الطيران..

فاسمح لى سيدى ان اهجر هذا البستان

واسمح لى ان اهدم تلك القضبان..

فكرهت بستانك..ومللت وجه السجان

وحاولت ان اكون مثلك ..وفشلت

حاولت ان اتناسى نفسى والزمان..

وخفقت نفسى ان لا تحب

واعلن قلبى لحياتك العصيان..

حقا آسفه....لأننى تذكرت الآن..

انى لازلت انساااااااااااااان.








الاثنين، 17 مايو 2010

لمين ياليل...؟

قولى انت يا ليل لمين؟؟
ليل السهارى والحيارى..
وللا ليل المغرمين؟؟
جاى للمهموم والشاكى ...
وللا للناس الرايقين؟؟
انت خوف ..ظلام وعتمه ..
وللا ضى قمر مسكين؟
وقولى انت يا ليل لمين؟
جاى تسمع صوت جريح..
وللا تمسح دمع عين؟
قالوا فيك كتير مواويل..
قالوا جاى جلاب الويل..
فيه اللى حبك واللى خافك..
واللى قال ستار امين
حتى اللى غنوا ياليل ..بأسمك
غنوا ليه موال حزين؟؟
وانت جاى يا ليل لمين.؟
جاى تخبى يا ليل عيوبنا
وتداوى جروح السنين؟؟
وللا بظلامك جاى تستر ..
ع الزنوب والمزنبين؟؟
معجبينك تركوا نومهم..
وويا نجومك سهرانين.
قالوا ايوه الليل بتاعنا..
ولينا...مش لناس تانيين..
احنا نتسامر ونحكى..
وف سماه متأملين..
هو يسمع وقمره يبكى ..
ونسأل انت يا ليل لمين؟؟
انت ليل غامض وساكن..
وانا معجبه م المعجبين.

السبت، 8 مايو 2010

افكار انسان...


....وافكر ثانية فى الزمان....

افكر فى تشابه الاسماء..

واختلاف الوجوه

وتغير الأشياء..
ان الزمان عدوا للزمان ..والمكان

رحل وترك المكان
والأشجار تقطع..

والبيوت تهدم..

والاطفال تقتل ..

والقلوب تشعلها النيران

والأمل يسير واليأس ..جنبا الى جنب

ويموت الحب..

ولن يصدق الكذب.

....وافكر فى الليل...

ان يداه حنونه..

تربت على كتفى

ان سكونه يهدأ من خوفى

ان حديثه يكمن فى نفسى

وما من احد يوقفنى..

ويثور النهار ويغضب

وعين الشمس تغضب

لست بشمس تنصفنى

وما من احد يوقفنى

....وافكر فى الحب....

عاليا كالسماء..

ناصعا كالسحاب ..

لكن يكسوه الضباب

مذاقه محلى بالعذاب

احيانا تراه ...

بارقا كالنجوم..
رائعا كالزهور..

جميلا كالاحلام

واحيانا تراه سراب

سؤالا ليس له جواب

نورا ونار

شهدا ومرار..

انه فن الأذكياء.

جحيم الضعفاء

لا يحترم الكرامه ولا الكبرياء

فهو ضحك وبكاء ..

انه داء ..وليس له دواء

...وافكر واتذكر انى انساااان...

جبلا من جمر ..وبحرا من نار

فاقد ومفقود..

رااااااااسب...

فى كل اختبارات الاقدار

ضل الطريق وحده ..ضاع

ولكن ليس بقصده

سيعود....

وسيقسم ولن يصدقه احد

انه رأى شبحا فى الظلام

يريد ان يدمره..

ان يسلب منه الاحلام

ويموت فى كل الايام..

وتعيش الاشباح..

الضيق ..الخوف ..الفشل..والجراح

وسيعود.....

وسيقسم ولن يصدقه احد .

انه حقا قد مات

وكتب مذكرات

وقدم اعترافات.
انه ملل من الالام

وضاعت منه الاحلام

فرحل وترك الايام.

الأربعاء، 5 مايو 2010

نداء الى امى..


كم من المرات اخبرتينى انك ستظلين بجانبى ..لن تبتعدى وساظل طفلتك المدللة..صغيرتك العنيده..ابنتك المراهقه.
ولكن ها هى قد ضاعت الاحلام وضعتى انتى واحتضرت معكى الايام..اماتت أمى ام مات فى جسدى الأنسان..هل حقا ماتت رفيقتى ام ان نبض عروقى هو الزى قد مات؟؟؟
وتحدانى عقلى واعلن قلبى من بعدك العصيان وانا هنا شريده ليس لى ماوى ولا عنوان..تائهه.. ضائعه ..فقد ضاع وطنى فقدت اسمى وكل كيانى ,فقدت كل حب الدنيا ...فقدتك.!!!
قلبى يصرخ..فقد تركتى لى دموع عيونى ..اهة كيانى التى لا يسمعها احد غيرك.
أمى...من انا من بعدك ؟؟احتاج اليك ..اشتاق لصوتك كل شيئ اصبح من بعدك بقايا ماتت اشياء كثيره ماتت او ضاعت لا يهم.فأنت رحلتى وتركتينى ....أمى انقزينى لم اعد ارى ..لم اعد اتحدث..لم اعد اسمع..اشعر بصداع دائما يؤلم راسى ,حزن دائما يسكن نفسى ,خوف يحتل
كيانى....أمى اتصدقى؟؟ كل شيئ هنا يناديكى استحلفك لبى النداء كل شيئ يرجوكى ان تعودى ان تسمعى منه الرجاء ... الخطى على الارض تناديكى ..الجدران تسأل عنك..الابواب ..الارائك ..حتى حبات الرمال ..حتى موجات البحار..يهمسون اليكى استتريكينى وترحلى؟؟ انتى معى دائما.. عيونك تنظر الى وصوتك وصورتك لا تفارقنى فى المنام..اتحدث معكى.. ابكى واضحك معكى اراكى كل يوم حين انام..يداكى تغوص فى شعرى فاشعر بالامان ..حضنك يحتوينى برقة وحنان..وتقبلينى ف الا حلام.
ما اجمل تلك الاحلام ..فهى رائعه لانك معى وارى معكى الملائكه تسير بجانبك تشع نورا حولك مثلما يضيئ وجهك وتضحك عيناك.
وعندما اصحو من نومى كالجنة الهادئة المكان ..اعود ثانية للنار ..اعود ويصحبنى الشيطان .. اعود ويغرقنى الطوفان ..لا اريد يا أمى ان اعود اريد فقط ان اكون بجانبك مثل الأحلام..
سأبقى ابحث عنك بين ليالى الأحلام..سأنتظر الغد وانا اعلم انه لن ياتى ..سأحبك حتى النهايه ..فأعلمى انه انت الحكايه ..انتى البداية والنهايه...وكل شيئ من بعدك ..خيال واطلال ..اشواك وهلاك..احزان وسراب.


الاثنين، 3 مايو 2010

سيدى...


اسمح لى سيدى ان اشكرك

لأحساسك بى ولحبك لى..ولغيرتك

سيدى اسمح لى ان تتحسسك شفتاى ..

فى عيناك وعلى جبهتك

حين احبتنى نفسك... قررت نفسى ان تمنحك

اسما حبيبى فكم انا اعشقك

فأنت لى سيدى الاجمل انت خيررفقتك

حين رايتك نسيت نفسى وتذكرت بسمتك

فايقنت معنى العشق حين سحرتنى نظرتك

واسمح لى سيدى ان اوهبك قلبى وعمرى .
وكل ما امتلك..
فأنا حقا عجزت ان اوصفك
ولن اقول سوى ..
سيدى ........
ما اروعك.

الأحد، 25 أبريل 2010

علمنى....



لو هتسبنى ..قبل ما تمشى احب اقولك ..
سبب فراقاك عنى ..
مايفرقش
اد ما يفرق انا من غيرك هقدر اعيش..
ولا ماكملش؟؟
لما احس
بغربه.. وضيقه..وضلمه..
علمنى ماندهلكش
علمنى ازاى اكون مع حد غيرك.
انى ماخفش

مانا من يوم ما عرفتك وبخاف من كل الناس ..

انت متعرفش؟؟

علمنى لما عنيك توحشنى ولمسة ايدك..

ليك ما شتاقش

لما اكون ف وسط زحمه كتير ولمه..

انا ما عوزكش

لما ييجى عليه الليل واحس بوحده.
.مستناش مكالمه منك ولا رساله..

علمنى ما استانكش

مانا لومسمعتش صوتك كل ليله..

(( تصبحى على خير))

انا مبا نمش

علمنى لما انام واغمض...

بيك ما حلمش

لوحسيت محتاجه حضنك ولا ابكى ..

ما حتاجلكش

واما احتاج حد افضفض له ولا احكيله ..

ازاى ما جيلكش

علمنى ما توحشنيش ما ستناش بكره ..

وما فكرش

لما افتكر كلمه ولا ضحكنا ف موقف ..

علمنى ازاى ماضحكش

علمنى لوافتكرت فجأه انى ماليش غيرك ..

عيونى ما تدمعش
علمنى انى اعيش ما استناش حاجه حلوه ..

علمنى ما انتظركش

ما افتكركش..ولا تيجى على بالى ..

وفيك ماسرحش

لوعديت ..اوشفتك ف الشارع صدفه..

كأنى معرفكش

المهم انى احس ان ف حياتى ..

ما قابلتكش

علمنى احب حياتى وانت مش فيها واشوفها بمبى ..

ازااااى ؟؟؟ معرفش

بص..بص..م الاخر علمنى ..

ماحبكش.




الخميس، 22 أبريل 2010

من يومه متعوس.....



ناوى على يازمن وهتعمل فيا ايه؟؟

غلبان يا ناس ف حالى والدنيا عليا ليه؟؟

والله عارف حظى من يومى وانا متعوس..

والعيشه ياربى صعبه وكله عمال يدوس

لانا عايز اكون مدير ولا عايزابقى بيه.

دنا بس حلمى اشوف منظر العشره جنيه

وانا يعنى هعمل ايه اروح اشتغل شحات

ولا اقف ع النواصى واعاكس ف البنات

قولت اشتغل حلاق............

رحت للاسطى زينهم

بصلى بعنيه وقالى ..اهلا

هوانتا منهم..؟

معلش يا بنى اسف مش هقدر اشغلك

شغلنى طب صبى وانا مش هزعلك

امشى من هنا يا واد ..

ويللا مش فاضيلك

وشوفلك حته تانيه تقلب فيها عيشك

وانا يعنى هعمل ايه ...؟

يعنى اشتغل شحات ؟

ولا اقف ع النواصى واعكس ف البنات...؟

دلونى على عم جمعه بيسرح ف القطر بترمس

وجريت ع المحطه اشوف موضوع الترمس

ولحقته ف اخر لحظه متشعبط ف القطر

واخيرا كلمته وعرضت عليه الامر..

موافق بش شوف انا ليا عندك شرط..

وانا معاك ياسيدى لحد اخر الخط

سالنى راس المال ومد ايده هاااات

وسالنى بكل فقاقه انتا بتعرف لغات..؟

طلعت انا من هدومى وكنت همسك فيه

لولا ولاد الحلال بعدونى عن ايديه

وانا يعنى هعمل ايه؟

اروح اشتغل شحات ؟

ولا اقف ع النواصى واعاكس ف البنات..؟

طقت ف دماغى فكره بس ايه... عاليه

اروح مع الواد جارنا اللى مسافر ايطاليا

بعت كل اللى حيلتنا وعملت كام جمعيه..

لحد بس مارجع واسدد اللى عليا

وتوهت هناك ف سكك ودخلت ف متاهات

دحنا مدفونين تعالى ياامه شوفى فلوس وعربيات

هاللو عليك يا بيه وانتا شبه فاندام

جودمورننج يا عم مستر اهلا يا حجه مدام

حصلتلى هناك مشاكل والخلق مفيش تفاهم

قال وانا اللى قولت فرجت اترينى كنت واهم

مره اتنصب عليا وخدوا كل الفلوس..

ولجل حظى لاسود قالوا عليا جاسوس..

قولت ارجع لبلدى وناسى اهل بلدى

وامى لما شفتنى تعالى ف حضنى يا ولدى

وبعد تفكير عميق عرفت انا هعمل ايه..

هروح اشتغل شحات...

وهقف ع النواصى وهعاكس ف البنات.

الأربعاء، 21 أبريل 2010

ضحكه




ابدا يومك ضحكه وعمل وكفاح..

املا حياتك بسمه وامل صباح

كن ف قلبك حب وخير وحنين للناس..

ترسم شمس وغنوة وورده على الكراس

افتح قلبك للى يحبك..

هتلاقى الكل وقف جنبك

ازرع زهره وشجره اصيله..

تحصد احلى ليالى جميله

غنى وسيبك بقى م الهم..

واضحك دا انت خفيف الدم

غنى كده وسمعنا كلامك ..

احلى من النسيم انغامك

واضحك للزمان من قلبك ..

علشان هوكمان يضحكلك.


دعنى ...



دعنى لأحزانى لغربتى وابتعد عن تفكيرى
وان
تزع من قلبى حبك .ثم واصل بعدها تدميرى

وامحومن ذاكرتى ملامح وجهك واقتل الحب واغتال حنينى..
ودعنى وانت تعلم كم عشقتك وارحل بعيدا

فالحزن والوحده لن يضيفان لى جديد

واسمح لى الا اهجر كهفنا الذى اوانا منذ سنين..
فجدراته والوسائد ورمال شاطئنا يصرخون ..لا ترحلين

واتركنى لاشجانى لألامى ..ولا تاتينى ف احلامى

ودعنى اصحو من غفوتى واواجه صفعات زمانى

فمنذ التقيتك لم اشعر بقساوة الزمان

فكنت كالكسارى الغافله فى حالة هزيان

دعنى اتسامح مع قدرى واسير بدونك فى الحياه

وارضى بما اختاره لى ربى.. وبما قسمته لى الحياه

ودعنى ابحث عن نفسى..واتركنى من اوهامى افيق

فانا لا اعلم اين اخطو فانى بعدك ضللت الطريق

واصبحت تائهه ..حائره

ابكى ولا تسطيع دموعى بعيونى ان تفيض..

فانا بداخلى حزن لا يعلم مقداره سواى انا وجرحى العميق

فقلبى يتمزق ويحترق.. فاشعلته انت وها قد مشيت

فتركتنى وحدى بين همومى وعذاباتى

فمنذ رحيلك ولم اضحك

حتى تلاشت ابتسامتى

فازهب ولا تبالى ابدا لاهاتى

وكن رحيما بقلبى وتمنى لى ان احاول

مواصلة حياتى

فانت رحلت وانتظرت انا هما وضياعا
يفوقان كل ازماتى..

ولكنى سأحاول ان اصمد واتخلص من تفاهاتى

وسأكون مثلك..صامده ..متناسيه وسأحتمل حتما

كل صعوباتى.

الاثنين، 19 أبريل 2010

او لا تصدق..

اعلم انى وعدت الا ابتعد..وابتعدت
واقسمت بحق الله انى احبك ..وكزبت

لانى لم اكن بالفعل احبك ..فقد عشقت

كنت اتعلم منك معنى الحب ..وتعلمت

فشعرت انى اسير مع الاحزان..وتعزبت

وحاولت ان اواجه كل الازمات..وحاولت

وحاولت ان اتخطى طريق الاشواك..وفشلت

فكنت اسير فوق النيران..ومشيت

ورايت بعيداشيئا من الضى ..فاقتربت

فقصدته ومددت يداى ..ولمست

وتوهمت انه نورا فهو بنار ..فاحترقت

ووجدت كل شىئ ينهار امامى..وتالمت

لكنى لم استطع فقدانك..فأبيت

ابيت ان الا اعانق غير حبك لانى به ..قد امنت

فكيف لى ان اقتل نفسى ..وحقا قتلت

فقتلت قلبك ولعنت نفسى ..وانتحرت

بعد ان عانيت فى كل الايام..وعانيت

ايام اطول من السنين لم تمر ابدا..فضعفت

ووجدت اليأس يقتحمنى بشده..فاستسلمت

اعلم انك لن تصدق عينى مهما ..بكيت

ولن تصدق شعورى مهما ..وصفت

واعلم انك لن تصادق عشقا..مهما قابلت

ولا تبحث عنى يوما فمن بعدك انا..قد انتهيت.


الأحد، 18 أبريل 2010

اللحظه

ها قد حانت اللحظه حتى ابوح بأسرارى..
عاجزة انا ام هاربه من همومى واقدارى ..
الصمت اعلى من رنين الصوت كاد يمحو افكارى ..
ورضيت ان تعزف لى الأشجان لحنا على اوتارى ..
مفتقدة انا للدفء وللعطاء فقد يطول مشوارى..
عاشقة انا ام تائه على شواطىء انهارى ..
موعودة بالحزن واسيرة للجراح فكاد يقترب انهيارى.


اد كلمتى

هات همك وارميه عليا ..
لو يوم تحزن قرب ليا ابكى ف حضنى ونام ف عنيا..
احس اهاتك بكل ما فيا..
مبقاش انا لو مش اد الكلمه ديا..

يأمرنا القدر ان.....



تتقابل عيوننا.. تتعانق احلامنا وان نسير طريقا رسمته اقدارنا ..ان نعيش سويا عاشقين الايام ان نهدم ماضينا ان نرفض الاوهام ...ان نكون حبيبى قاصدين الحياه لا ان نحطم شيئا قلوبنا تهواه..ان نكون ايضا قاصدين الحب لا ان نكون زكرى لكل من يحب ..لكننا يا عمرى رحلنا عن الزمان واصبحنا بعيدا عن شاطىءالامان..نعم يهواك قلبى ويموت اشتياق لكنى اخشى حقا ان يأتينا الفراق..وان جاءنا يوما فلا تلومنى ابدا ..فليس لى اختيار وليس لنا زنبا فتلك هى الاقدار.. فهى يا حبيبى شاءت ان نبنى حلما بنيناه سنوات..لكن تشاء الان ان نهدمه هدما ..نهدمه فى لحظات.

عايزه اقولك


عايزه اقولك عايزه احكيلك وانا الوحدى بحتاجلك ..بشتاقلك..بناديلك اد ايه كتير اتالمت اد انا اتعزبت كنت بدارى الحزن بدارى الدمع بدارى الجرح كنت اضحك واضحك وارسم على وشى معانى الفرح وانا جوايا بحور م الهم الالاف م الحزن وجرح ما يتلم..اقولك ايه مفيش حد مفيش كلام ..مفيش حب ماتت الايام كل حياتى صمت وكل كلمه اسمعها سكات كل ليله قرن ومفيش ف صوتى الا اهات..عايزه اقولك عايزه اشكيلك ابكى.اضحك.عايزه احكيلك عايزه اقولك خايفه منك خايفه تبعد وياريت اتحمل بعدك لو افترقنا هروح فين بعدك عايزه اقولك الوقت بعدك وقفوالزمان قاللى وحلف مش هستمر ومش همر وهرحل لو يوم رحل..بعدك ماليش احضان ماليش سكه ولا عنوان اقولك ايه..ان عمرى بيجرى منى وانا بتفرج ان قضيت احلى سنين عمرى انافق روحى ..اكدب على نفسى وكل ملامحى وضحك شفايفى كانى بهرج..عايزه اشتكيلك م الزمن خد من عمرى ودانى شجن .اقول للزمن كفايه ضياع كفايه الام وخليه يرجع لى اللى ضاع قول للزمن كفايه حرام..عايزه عمرى ..عايزاك ولو يوم واحد يتحقق حلم من الاحلام..احد يوم وهسامحه على بقيت الايام





 
Wordpress Theme by wpthemescreator .
Converted To Blogger Template by Anshul .