الأحد، 25 أبريل، 2010

علمنى....



لو هتسبنى ..قبل ما تمشى احب اقولك ..
سبب فراقاك عنى ..
مايفرقش
اد ما يفرق انا من غيرك هقدر اعيش..
ولا ماكملش؟؟
لما احس
بغربه.. وضيقه..وضلمه..
علمنى ماندهلكش
علمنى ازاى اكون مع حد غيرك.
انى ماخفش

مانا من يوم ما عرفتك وبخاف من كل الناس ..

انت متعرفش؟؟

علمنى لما عنيك توحشنى ولمسة ايدك..

ليك ما شتاقش

لما اكون ف وسط زحمه كتير ولمه..

انا ما عوزكش

لما ييجى عليه الليل واحس بوحده.
.مستناش مكالمه منك ولا رساله..

علمنى ما استانكش

مانا لومسمعتش صوتك كل ليله..

(( تصبحى على خير))

انا مبا نمش

علمنى لما انام واغمض...

بيك ما حلمش

لوحسيت محتاجه حضنك ولا ابكى ..

ما حتاجلكش

واما احتاج حد افضفض له ولا احكيله ..

ازاى ما جيلكش

علمنى ما توحشنيش ما ستناش بكره ..

وما فكرش

لما افتكر كلمه ولا ضحكنا ف موقف ..

علمنى ازاى ماضحكش

علمنى لوافتكرت فجأه انى ماليش غيرك ..

عيونى ما تدمعش
علمنى انى اعيش ما استناش حاجه حلوه ..

علمنى ما انتظركش

ما افتكركش..ولا تيجى على بالى ..

وفيك ماسرحش

لوعديت ..اوشفتك ف الشارع صدفه..

كأنى معرفكش

المهم انى احس ان ف حياتى ..

ما قابلتكش

علمنى احب حياتى وانت مش فيها واشوفها بمبى ..

ازااااى ؟؟؟ معرفش

بص..بص..م الاخر علمنى ..

ماحبكش.




هناك 6 تعليقات:

سمع هوص (Abo 3li) يقول...

"علمنى لما انام واغمض...

بيك ما حلمش"

حلوة اوي... الجملة دي...

واخر حتة ضحكتني جدا... "بص بص"... هههههههههههه... بعد الجو ده؟؟ "بص بص م الاخر"؟؟؟ههههههههههههه...
تحفة...

MONTY يقول...

والله ياابوعلى انا مبسوطه انك اول تعليق ومبسوطه انى عرفت ارسم الابتسامه على وشك ويارب دايما
شكراااا ليك ولمتابعتك
اعد بالعافيه

مهموهـــــــة يقول...

الله الله الله
كلمات جميلة اوي
على الرغم من نبرة الحزن فيه الا انها غاية في التعبير و المشاعر

علمني ما احبكش
كلمة حلوة اوي اوي و جميلة مليانة احاسيس ما تتوصفش بصراحة

دمتي مبدعة يا مونتي يا قلبي
و بجد بحبك في الله و الله

خالص حبي و تقديري

MONTY يقول...

الله يخليكى يا مهموهه
وشكراا على كلامك الرقيق ده
وانا بفرح جداا والله لما بشوفك عندى
وبما انا لسه بلوجريه جديده محدش يعرفنى كتير وياريت كلهم يبقو زيك وفعلا يهمنى رايك
بحبك ف الله
ف حفظ الله ورعايته

القمرالباكي يقول...

السلام عليكم ورحمه الله وبركاته

صباح الخير
جميله اوي يامونتي
عجبتني جدااااااا
واد ايه وجوده فحياتك قوي ازاي يسيب ده كله

لما احس بغربه.. وضيقه..وضلمه.. علمنى ماندهلكش علمنى ازاى اكون مع حد غيرك. انى ماخفش
مانا من يوم ما عرفتك وبخاف من كل الناس ..

بص بص هههههههه
طيب اقولك انا بصي بصي ... بكره ربنا يعوضك باحسن منه

دومتي بخير

غير معرف يقول...

تحفه

روعه

أنا معرفش
Waled almarghny  

 
Wordpress Theme by wpthemescreator .
Converted To Blogger Template by Anshul .