الجمعة، 9 يوليو، 2010

حريتك....


حريتك... راسك تكون مرفوعه
حريتك... كلمتك تبقى مسموعه
حريتك..مش انطلاقك وتحكمك
حريتك.. مش شيء هزيل يحكمك
حريتك .. مش بعد وسفر وترحال
حريتك ف بلدك مهما تكون الأحوال
عقلك مايخفش .. حريه
قلبك فيه اراده.. حريه
احمى دينك وارضك واهلك
واحمى كرامتك ونفسك ل تهلك ..
عيش تحت سماك حر
وعشان مشكله اوعى تفر..
حريتك شجاعتك مش كسوفك..
عيش حر واخرج من خوفك..
حريتك السعادة الأبديه..
بالفعل وبالكلام ..حريه.

هناك 16 تعليقًا:

ســـهــــر يقول...

حريتك .. مش بعد وسفر وترحال

زمان كنت فاكراها حرية أنطلاقة بعد تجديد هروب حاجات كتيرة اوى مريت بيها ومرت بيا

حلو البوست يا مونتى ووحشتينى اوى

Smarty يقول...

الإحساس .. المشاعر .. الحب .. الشجن

صدق الإحساس ..
دفئ المشاعر ..
قوة الحب الحقيقي في منح الحياة ..
قدرة الشجن على إحتضان القلب الجريح ..

الحرية للشخصية المتزنة اللي تعرف معنى الحرية الحقيقي مش المستهترة اللي بتعيش اللحظة وبس.

للأسف فاقد الشيئ لا يعطيه

MONTY يقول...

smarty
شكرا جدا ومنور او منوره عندى


وانا عارفه ان فاقد الشيء لا يعطيه بس انا مجبتش سيرة المشاعر والاحساس والشجن خاااالص


عموما مرسيه للتعليق

MONTY يقول...

سهر

وحشتينى جداا


انتى احلى يا قمر

عايزه اشوفك بجد حاولى تكلمينى

Smarty يقول...

انتي فهمتيني غلط ..
أنا تعليقي مش على الكلمات دي وبس
تعليقي على كل اللي مكتوب في المدونة من أولها لأخرها..
لأن كل حاجة مكتوبة عبارة عن مجموعة مشاعر وأحاسيس وفي النهاية بتعبر عن حب وردي أو شجن .. مش كدة بردو وللا أنا باتفلسف ؟؟؟

وبردو فاقد الشيئ لا يعطيه ..
وأنا قصدي بالجملة دي الزيف والنفاق واللعب بالكلمات

وأرجع وأقولك كل إنسان فينا قادر على التمييز ما بين الصح والخطأ وإختيار اللي يناسبه فيهم لكن مش على حساب الغير.

وكان الله في عون اللي ربنا مسلط عليه عقله.
وتمثيل دور الجريح مع إني ...؟؟؟
والحدق يفهم

Malooka Yousef يقول...

مفيش احلى من الحرية بجد كلام جميل اوى يامونتى

Ms Venus يقول...

موونتى ازيك يا قمراية


جميلة اوى اوى الكلمات

ومافيش اجمل من اسم ومعنى الحرية

بس الحرية الصح

وردة لعيونك حبيبتى

ليله شتاء يقول...

ياريت لو نفهم كلنا ان الحرية كده


سلمت يداكى

Tarkieb يقول...

منين حريتك وممنوع يسافر ويفضل في مكانه محلك سرر؟ اطلبو العلم ولو في الصين ....وفي السفر سبع فوايد....بالزمة دي حرية ...انت عملتي زي اللي عزم واحد وقاله سليم ماتكسر, ومكسور ماتاكل , وكل لما تشبع.

P A S H A يقول...

جميــــــــلة

تسلم إيدك

:)

تحياتي

ابو المفاصل الواصل يقول...

وطنى حلمى الجميل اسكنته فى عقلى ووجدانى/
فاحتويته بحبى فى قلبى وفكرى حتى احتوانى/
وهو فرحى وسعدى ويستحق منى اغلى الامانى/
واترفع كثيرا عن سلوك احد ساكنيه لو اذانى/
فالمنغصات كالبهارات ضريبة تدفع طول ايامى/
ولا عجب من هذا المنطق والفكر الساكن فى كلامى/
فالوطن الحر عند الاحرار مجموعة سامية من المعانى/
يلهج بها القلب قبل ما ينطق بها قلمى او يسطرها لسانى/

أحمد الصعيدي يقول...

السلام عليكم


كل سنة وانتي طيبة

P A S H A يقول...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم

غير معرف يقول...

ةن؟؟؟؟؟؟؟؟؟؟؟؟

من كل بستان زهرة يقول...

مونتي يا جميله
وحشتيني جدااااااااااااااااااا

كل سنه وانت بألف خير
رمضان كريم

غير معرف يقول...

روعه مونتي كلامك جميل قوى
فعلا أجمل شئ في الحياة الحرية
اموت حر أحسن من ان عايش مكسور
Waled almarghny

 
Wordpress Theme by wpthemescreator .
Converted To Blogger Template by Anshul .