كنت معاك بحلم انا..
واهى عدت سنه وانا لسه انا
كنت بكل كيانى معاك..
كنت عايشه ..كنت ساكنه ف حضن هواك
اه كانت ساعات ..
عايشتنى اجمل لحظات
صحيت جوايا ذكريات..
كانت من كام سنه..
واهى عدت سنه
وانا لسه انا ..
وانت بعدت ..وانا اتعذبت
ولسه مكانى ..
بلعن صمتى وضعفى ..بلعن يأسى
وظلم زمانى
فاكر مكاننا ووقت لؤانا؟؟
اد ايه حبينا ..اد كان لاشتياق جوانا
كنت اخر مره تضمنى ..
قولت انك بعد السنين لسه بتحبنى
واهى عدت سنه ..
وانا لسه انا..
كنت حاسه بالنهايه
كنت جنبى ..وحسيتك مش معايا
شفت ف عنيك وداع..
حسيت ف قلبى ضياع
وحده ..ضلمه وخوف جوايا
توهت جوه ملامحك
معرفتش ايه الحكايه..
فاكر ليلتها ؟؟؟
فاكر قولت ايه ساعتها؟؟
قولت انسينى ..وابعدى قلبك عن حياتى
وبكل قسوة بترمى كل عمرى..
وذكرياتى..
مافيش حاجه يتخلد..
هوا ده كان كلامك..
اعتبرينى قلب ميت
ازاى نطقها لسانك؟؟
بكل كلمه كنت بتجرحنى
حسيت طعنات ف قلبى ..
راجع تتناسى حبى..
ومات كل شيئ يفرحنى
هديت جوايا امل حاولت ابنيه
قتلت كل شئ انا عايشه بيه..
دوست على ايامى الجايه..
وبكل بساطه بتنسحب من ايامى ..
ومن لياليا..
لكن عمرى ف يوم ما هندم
حتى لو بطلت احلم ..
اعتبرتك ذكرى ف عمرى
رغم حزنى ..ورغم جرحى ..
هتعيش على طول ف قلبى.
هناك 19 تعليقًا:
أصعب أحساس هو أننا نعيش أيامنا بذكريات مؤلمة
كلماتك جميلة تسلم أيدك واحساسك
احساسك جميل وكلامات رائعه بس اصعب حاجه انك تكونى بتحبى الحب ده كلو لشخص وهو مش فرقه معاه حبك
ومات كل شيئ يفرحنى هديت جوايا امل حاولت ابنيه قتلت كل شئ انا عايشه بيه..دوست على ايامى الجايه..وبكل بساطه بتنسحب من ايامى
عجبني الجزء ده اووووي...
مافيش حاجه يتخلد..
هو عنده حق مفيش حاجة فعلا بتخلد
الا لو احنا مصممين نخلدها
عجبنى البوست يا مونتى
حاسة انى لسة فعلا بقراه دلوقتى بس
الكلمات حلوه جدااا
أحساسك عالي فيها
رغم حزنى ..ورغم جرحى ..
هتعيش على طول ف قلبى..
طيب ليه ليه الي بيجرحنا يعيش جوانا
ليه يعني نسيبه يوجعنا وهو قريب وكمان لما يبعد؟؟؟؟؟
تحياتي
جميلة اوى رغم المها ووجعها
حسيت كلماتك اوى يا مونتى
دمتى رقيقة وحساسة ومبدعة يا قمراية
ليلة شتاء
فعلا هو احساس صعب جدا تسلمى وربنا يخليكى
دومتى بالخير
رسالتى
لو ماكنتش دى حاجه صعبه ماكنتش الكلمات هتبقى رائعه
شكرا ليكى
تحياتى
ابو على
ربنا يخليك
ودمت بالف خير
سهر
اكيد دوام الحال من المحال
حتى لو صممنا
وحشتينى اوى
من كل بستان زهره
يمكن عشان ملناش غير بعض وبنستحمل جروح بعض
متشكره اوى
تحياتى
مس فينوس
الله يخليكى ومرسيه على كلامك وزوقك
دومتى بالخير
فكرتيني بهاني شاكر عامل عيد ميلاد لجرحه....يابنتي ارمي ورى ضهرك واحمدي ربك انه بان على حقيقته....
مدونه جميله ورقيقه والصراحه كانت مفجاه ليا انك وضعتى مدونتى ( مدونه مان نجم ) من ضمن المدونات المتابعه لها بدون سبق تعارف بنا
تسلمى على مجهودك فى مدونتك والاستيل ايضا رقيق وجذاب تستحقى تواجد اكتر من كده
لما واحد يرد ع واحده ويقولها انسينى ببساطه يبقى عمره ما حبها ومدام عمره ماحبها يبقى ميستاهلش انه يفضل ف قلبها ولا حتى تفتكره بس الذكريات هى اللى بتخلى الواحد تتعب بس مسير كل ده يتنسى كلامك جميل اوى يامونتى وربنا يوفقك
"قولت انسينى ..وابعدى قلبك عن حياتى"
"مافيش حاجه يتخلد.."
"اعتبرينى قلب ميت"
هي مش ندمانة على اللي فات لانها (حبت) من قلبها وممكن تعيده تاني..
هو مش ندمان على حاجة ولا فاكر لانه (اتحب)
متهيالي افضل عنوان للحكاية هو:
(واحد حب..وواحد اتحب)
اوعى حد يتهور ويتكلم مع حد فلسطينى عايش فى فلسطين………
مجرد كلام حتى لا يتهم بالتطبيع ويرموك حراس التخلف بالطين…
اما اللى اتجوزوا منهم فجنسيتهم مسحوبة ويمكن نصدروهم للصين..
طيب اسرائيل عايزة ايه اكتر من محاصرة الفلسطينى شمال ويمين..
واحنا قايمين بالواجب وزيادة بحجة مناصرة وتحرير فلسطين ……
ومش عارفين ايه اللى هيضرنا من اللى هينفعنا ومهمشين…….
ومين خلانا اوصياء على بعضينا ومحاصرين لهم ومحيطين…….
ونطعن ونضرب فى بعض مش بسيف ولكن بسيفين………….
اوعى حد يتهور ويتكلم مع حد فلسطينى عايش فى فلسطين………
مجرد كلام حتى لا يتهم بالتطبيع ويرموك حراس التخلف بالطين…
اما اللى اتجوزوا منهم فجنسيتهم مسحوبة ويمكن نصدروهم للصين..
طيب اسرائيل عايزة ايه اكتر من محاصرة الفلسطينى شمال ويمين..
واحنا قايمين بالواجب وزيادة بحجة مناصرة وتحرير فلسطين ……
ومش عارفين ايه اللى هيضرنا من اللى هينفعنا ومهمشين…….
ومين خلانا اوصياء على بعضينا ومحاصرين لهم ومحيطين…….
ونطعن ونضرب فى بعض مش بسيف ولكن بسيفين………….
الله علي الكلام
احساسك عالي قوى في أختيار الكلمات بجد
روعه روعه روعه
إرسال تعليق