السبت، 29 مايو 2010

تاج ..... على راسى


السلام عليكم ورحمة الله وبركاته..
جالى التاج ده من حبيبة قلبى مها(مهموهه) ومن الرقيقه داليا(القمر الباكى)
وانا بشكرهم جداااا.
وكان المفروض انى ارد من فتره , بس بصراحه مكنتش مستوعبه الفكره كويس
لان من شروط التاج اولا: انك لازم تتكلم عن ستة اسرار لا يكتشفها من يقابلك لاول مره
"مش عارفه كده هيبقوا اسرار ازاى؟" ما علينا
والشرط الثانى :انك تهدى التاج لستة اشخاص معينين
هنبتدى بالناس اللى ههديليهم التاج وهم:
مها(مهموهه)
سهر (ساسوو كافيه)
ابو على (سمع هص)
وليد (هى وظروفها)
داليا (القمر الباكى)
نتكلم بقى عن الست اسرار اللى ميكتشفهاش اللى يقابلك للمره الاولى :-
1_ مش ممكن يتخيل انى عصبيه وبتنرفز بس مش بسرعه.
2_ ممكن يفتكر انى كتاب مفتوح لاى حد لكن الحقيقه ان مش كل حاجه لازم اقر بيها من اول مره لاى حد والسلام.
3_ممكن يفكر انى مجنونه او مستهتره على اساس يعنى انى بحب اهزر واضحك..لكن انا برضه جاده وبحب الهدوء وكتير احب اكون لوحدى ومحبش الأزعاج والصوت العالى.
4_لما حد يضايقنى معرفش ارد عليه ف وقتها ممكن ارد عليه بعد شويه ورد يحبطه .
5_ميعرفش انى لما اكون ف قمة الضحك والتهريج والسخريه من نفسى ....ابقى كده ف قمة حزنى ويأسى.
6_ممكن يفتكر انى متكبره شويه ...لكن بالعكس انا عاديه جداا وبحترم كل اللى يحترمنى ويقدرنى ومباحبش ابص على حد من فوق لانى مش شايفه نفسى حاجه مهمه او كبيره عادى يعنى.

هناك 17 تعليقًا:

قناه ايما يقول...

انا بقئه بقولك ان حاجه كبيره جداجدا وانتى شخصيتك جميله جدا وبتعرفى ازاى تحببى الناس فيكى اللى يعرفوكى واللى مايعرفوكيش وربنا يوفقك

من كل بستان زهرة يقول...

كده يابنتي تكشفي أسرارك بسهوله

لما حد يضايقنى معرفش ارد عليه ف وقتها ممكن ارد عليه بعد شويه ورد يحبطه

حلو السر ده
ماشي ياعم العاقل
حلو ان الواحد يكون حكيم وميردش في غضبه
لان الردود بتكون بغضب

تحياتي ليكي

MONTY يقول...

رسالتى


الله يخليكى وربنا يحبب فينا خلقه


تحياتى وبالتوفيق

MONTY يقول...

من كل بستان زهره

يابنتى انا مش بتكلم على انها اسرار ماهو اكيد لما الشخص اللى يقابلنى لاول مره ييجى يقابلنى تانى وتالت اكيد هيعرف جزء كبير من شخصيتى

وكمان دى مش كل حاجه عنى (ايه رأيك بقى ف السر ده؟)
ومسألة ردى دا مش حكمة دا بيكون ارتباك او عدم تركيز فلازم افكرله عشان اعرف ارد عليه بعد كده

فهمتى يا قمر

دومتى بالف خير

غير معرف يقول...

مبروك التاج يامونتى

ردك على السؤال ينم على مدى بساطتك وحبك للناس

تقبلى مرورى الاول وأتمنى حضورك عندى

دمتى بخير

سمع هوص (Abo 3li) يقول...

يحبطه؟؟؟
ههههههههههههههههههههههههههههه
حلوة رد يحبطه دي....

وشكرا علي التمرير.... بس انا عملت الواجب ده من اسبوع... هههههههههههه.... وفلت من التاج وفلت من التاج ... هههههههههههههههههههه....

مهموهة أحمد يقول...

ياه على الكلام الجميل ده
ربنا يخليكي يا مونتي يا قلبي يا رب

و بجد كونك تنشري اسمي كده على الملأ ده شرف ليا
و تقولي اني حبيبة قلبك
و الله و الله مش اكتر مني انا بجد بحبك في الله و الله
و ربنا عالم باللي في القلوب
و اتمنى يا مونتي يا قلبي نتعرف قريب اوي لاني بحبك و الله و نفسي نكون اخوات اكتر و اكتر

ربنا يديم المعروف يا رب

خالص حبي و تقديري

MONTY يقول...

الحب الجميل

يسعدنى تشريفك

ومتشكره جداااا على زوقك


واكيد هتلاقينى عندك ان شاء الله


تحياتى

MONTY يقول...

ابو على


لازم تتدخلى بتريقه


وعموما يا سيدى انت تستحق التاج 100 مره وعن جداره

تحياتى

MONTY يقول...

مهموهه

انتى كده بالنسبه ليا وربنا يعلم


ومتشكره اوى على كلامك الرقيق دا


وان شاء الله هنكون اصحاب اكيد

ربنا يخليكى ودومتى بالف خير

Ms Venus يقول...

جميلة انتى يا مونتى


ربنا يسعد ايامك دايما حبيبتى

وردة لعيونك

ســـهــــر يقول...

وفى حاجات كتير فى شخصيتك حلوة يا مونتى
ميعرفهاش ولا يقدرها غير اللى يفهمك وقريب منك بجد

انتى طول الوقت فى نظرى جميلة وبأى حال من الآحوال بحبك

ســـهــــر يقول...

اه ونسيت اقولك ميرسى ع التاج يا قمر

MONTY يقول...

سهر
ايه دا وربنا وحشانى


انا وانتى نشبه بعض كتير يمكن بهتنا على بعض ولا ايه؟


لو بايدى اجيبلك كل تيجان الدنيا

بحبك يا صديقة عمرى اللى فات واللى جاى

ليله شتاء يقول...

مبروك عليكى التاج ياقمر

القمرالباكي يقول...

السلام عليكم ورحمه الله وبركاته

خلاص كده عرفنا اسرارك ياعسل

وانا بشترك معاكي في 5 و6 موجودين بالفعل فيا
كل البنات الطقه بتكون كده
ربنا يحميكي

غير معرف يقول...

كلام روعه

 
Wordpress Theme by wpthemescreator .
Converted To Blogger Template by Anshul .