ليل السهارى والحيارى..
وللا ليل المغرمين؟؟
جاى للمهموم والشاكى ...
وللا للناس الرايقين؟؟
انت خوف ..ظلام وعتمه ..
وللا ضى قمر مسكين؟
وقولى انت يا ليل لمين؟
جاى تسمع صوت جريح..
وللا تمسح دمع عين؟
قالوا فيك كتير مواويل..
قالوا جاى جلاب الويل..
فيه اللى حبك واللى خافك..
واللى قال ستار امين
حتى اللى غنوا ياليل ..بأسمك
غنوا ليه موال حزين؟؟
وانت جاى يا ليل لمين.؟
جاى تخبى يا ليل عيوبنا
وتداوى جروح السنين؟؟
وللا بظلامك جاى تستر ..
ع الزنوب والمزنبين؟؟
معجبينك تركوا نومهم..
وويا نجومك سهرانين.
قالوا ايوه الليل بتاعنا..
ولينا...مش لناس تانيين..
احنا نتسامر ونحكى..
وف سماه متأملين..
هو يسمع وقمره يبكى ..
ونسأل انت يا ليل لمين؟؟
انت ليل غامض وساكن..
وانا معجبه م المعجبين.
هناك 22 تعليقًا:
أنا من عشاق الليل بكل ما فيه من جرح أو فرح
وكلماتك رائعة
دمتى بخير
انا كمان من المعجبين...
بالليل وبالكلمات الجميلة...
تسلم ايدك ... بجد تحفة...
الله يا مونتي الله
عارفة اللي زمان كان بيقول لام كلثوم
عظمة على عظمة يا ست
بجد تستاهلي كلمة زي دي
حلوة اوي الفكرة
و كلمات غاية في الرقة و الروعة
دمتي في غاية الابداع يا قلبي
خالص حبي و تقديري
احنا نتسامر ونحكى..
وف سماه متأملين..
هو يسمع وقمره يبكى ..
ونسأل انت يا ليل لمين؟؟
الليل بحر العاشق وسياف المحروم
أسعدك الله
ايه الجمال دي وربنا ولا الابنودي... لا بجد ح اطر بقى اعتزل الفن عشان خلاص مش قادر ياخواتي ع المنافسة لا مع مونتي ولا أنتي ..تحياتي ..بس انا بصراحة عمري ماشفت الليل لاني خم نوم تظبتي علي الساعة 11 وانام على طول ننة
ليلة شتاء
لو دورتى هتلاقى عشاق كتير لليل
والله خليكى ومرسيه ىعلى زوقك
بالتوفيق
ابو على
الله يخليك يا ابو على وتسلم وانا عرفت خلاص انك عدو الشمس ومن معجبين الليل هههههه
ربنا يسعدك
مهموهه
حبيبة قلبى
مرسيه جداا على زوقك
وانا اجى حاجه ف بحر ام كلثوم
انا وهى فين
دومتى بألف خير
احمد الصعيدى
اسعدك الله انت كمان يا استاذ احمد
دومت بالخير
تركيب
الله يخليك وبعدين احنا نيجى حاجه ف اختراعاتك
وهو انا اقدر برضه ع المنافسه دى
يا عم احنا على ادنا كده
والمفروض تستمتع باليل اكيد مجرب السهر ف جو رائع زى البحرمثلا
هتحبه جداا وهتبقى من معجبينه
اتمنالك كل خير وحب
بجد حلوة .. تسلم إيدك
بسيطة ومعبرة ومليانة شجن
تشرفت بالمرور من هنا
خالص تحياتي وعميق تقديري واحترامي
:)
اهلا بالباشا
والله يحليك وتسلم يارب
وانا كمان اتشرفت وانت منورنى
دومت بألف خير
احلى حاجه ف الليل سكونة وكلماتك احلى بجد تسلمى ياقمر
الله يا مونتى
جميلة اوى اوى
وكلامك عن الليل كله حقيقى
تحية ليكى عزيزتى
الليل يزيد السرورو سرورا والحزن أحزانا
ذلك لأننا نسمع أنفسنا فيه بعد أن صمتت الأصوات
جميلة القصيدة
ملوكه
منورانى وربنا يخليكى ويسعد ايامك
خالص حبى واحترامى
مس فينوس
كلامى كله حقيقى لانى بحب الليل بجد
واللى بيحب حاجه بيكتب كمان احلى من كده
دومتى بالخير
احمد طه
منورنى ...
عندك حق الليل ساااااحر بجد وكلنا من عشاقه
دومت بالخير
السلام عليكم ورحمه الله وبركاته
ازيك ياجميل
كلماتك رائعه والليل دائما مجمع المتسامرين والاصدقاء والاحباء مع دفئه وصفاه وهدوئه وانا من عشاق الليل والسهر
دومتي بخير
القمر الباكى
وعليكم السلام
الليل جميل فعلا بهدؤه وسكونه وكلنا
من المعجبين بيه ومن عشاقه
ربنا يخليكى يا قمر
بالتوفيق
تحياتى
==========
27 مايو, 2010
يا اهل السوء المسيئون جبتم منين كل هذا السوء؟؟
ولا هذا ادمان لما تتعاطوه اعصابكم تنشط وتروق!!!
كما يراه اخرون ان هذا حقهم او ما تبقى لهم من حقوق
فانتبهوا(ان البشرية اسرة واحدة والسوء عقوق)
ومن يفعله يتساوى بمن يباع ويشترى فى السوق
اما الانسان فمكرم بعقله وما له من فضل وشروق
فاشرق بالخير وامنحه للاخرين وانشره بالبوق
حتى يشفى المرضى به فالسوء مثله مثل الحروق
أجمل واصف عن الليل
روعه روعه روعه
بصراحه أنتي جميله اوى في أختيارك لكلام
تحياتي : Waled almarghny
إرسال تعليق